إحضنيني يا نفسي .. ضميـني .. ده غيـر حضنـك ماليــش
طـيــبـي جـرحـي و داويــني .. جــربــي .. جـايــز نعيــش
حــرري المخـنـوق و فـِكي .. أسر سـرك !! ماتـخـافيــش
فضفضي لي و علي صوتــك و إصرخي و مــايهـمكـيـش
إسمعي عتابـي .. و لوميني .. صارحي نفسـك ماتداريـش
عـِشتي طول عمرك تقولي :عــادي ..هـتحمـِّـل و أعـيـش
وآدي آخرة كـــل حاجه .. ضــحــيتيـها عـشـان مــفـيــش
عـِشتي راسمه البسـمه رســم !! واللي جارحـك مايساويـش
و انتي عارفه ان اللي يجـرح .. قـلبـه قاسي مابـيـداويــش
إحضنيني .. و لملميني .. يـا نفسي غيـر حضـنك ماليـش
و إوعي تنسي إن اللي جرحك عاش .. و لازم ماتموتيـش
طـيــبـي جرحـي و داويــني .. جــربــي .. جايــز نعيــش
*********
******
***
**
*
بقلم : زهــــــرة الجــبـــــــل
ليست هناك تعليقات:
إرسال تعليق