مين ده اللي قال العبره بالأعمار و الخبره في الشيبه ؟؟
ده أكـَم من شيخ وَهَبُهْ الزمن ... و لا زاد شي غير خيبه
و أَكـَم من غيره ... أول صباه ... و تشوفه ... له هيبه
على أد ما تشوف يا إبن آدم في الرحله ... تتعلم
و إنت و نصيبك و رحلتك.... يا هاينه ... يا صعيبه
*********
إوعاك تِبُصْ لوقعتك لو يوم تقع ... كأنها عيبه
و لا تِدِّي فرصه لوقعتك تربَّطك ... بالشك و الريبه
فتخاف تخطي في سكتك من بعدها و تركبك خيبه
دي الخيبه على حق إنك تقع و تقوم ... منغير متتعلم
و ساعتها تبقى لكل من هب و دب ....نهبه و نهيبه
**********
الدنيا لولا مُرها ... ما ذقت حلاوتها ... عدِوَه و حبيبه
و العبره خدها من إللي طوَّع شرها ... بحرفنه عجيبه
إللي بفطنه جعلها بـِشرها و خيرها ... متهاوده و قريبه
و بحكمته سادها و أصبح سيدها مش عبدها ... من حكمته إتعلم
تلقى لكلمته معنى و لوقفته أثرها ... و في طلته ... هيبه
حتى لو كان لا خط الزمن لسه على جبينه ... و لا مسَّـته شيبه
و عجبي !!!
*******************
************
*****
**
*
