طول عمر محمد و يـوحنـَّـا .. إخوات و إصحاب
و إيمان و مارِيـَّا جيران العـُـمر.. الباب فـ الباب
جرجس و على .. حنـَّـا و إسلام .. مينا و خطـَّـاب
ماريانا و آيه .. تيريز و إيمان .. صوفيا و رباب
طــول عمرنا عايشيــن إيد واحده ... أهــل و أحبـاب
يا ما إتخــابثــوا الخـُبـَـثـا عليـنــا ... و أمـلهُـم خــــاب
علشــان العـِـشـره إلـلي ما بـيــنـنــا و طيــب الأنـســاب
و هـنـفـضـل نـهتـف صــوت واحــد ... لأ لــلإرهـــاب
قـولــوا معــايـا ... و عيدوا ورايــا ... لأ لــلإرهـــاب
***********************************
ده أنا و إنت .. مش قبطي و مسلم
أنا و إنت .. مصري ما يستسلم
و لا يحني الضهر لإرهاب
**************************
دي كلاب سعرانه
و بتنبش بين الأحباب
خايفين مـِـ الود إللي ما بيننا
و عايزينه خراب
عايزين الكره يفرقنا
و نصبح أحزاب
*****************************
طول عـُـمر سمانا بتتباهى
بهلال و صليب
إسمي و إسمك
و أذان و جرس
و أنا و إنت في كنيسه و مسجد
كتفي فـ كتفك
عــُـبـَّـاد و أُسُـود
على مصر حرس
يوم كلب الإرهاب ما يشوفنا
هيخاف و يهاب
و يخيب ما يصيب
و يصيبه خرس
**************************
الرد ما بين إيدي و إيدك
هات إيدك .. خد ضهري فـ ضهرك
نقوى فـ وش قانون الغاب
و تفضل مصر فوق الإرهاب
و يفضل نور وحدتنا في عينهم ..
و في عين أعوانهم ..
نار و عذاب !!!
و نعيش طول عمرنا إيد
أهل و احباب
و هنهتف كلنا صوت واحد
جرجس و على ..
حنـَّـا و إسلام ..
مينا و خطـَّـاب
ماريانا و آيه ..
تيريز و إيمان ..
صوفيا و رباب
و هيعلى الصوت يكوي عيونهم
لأ للإرهاب
لأ للإرهاب
**************************
