إكتب يا تاريخ
سجل كفاحنا و عندنا مليون دليل
وثــَّــق يا تاريخ
إكتب على سطور الشرف
و إنظم لنا ديوان طويل
سـجــِــل شهادة حق
إكتب بحبر كرامة المصري الأصيل
إشهد يا تاريخ
على إنتفاضة عــِــزه للشعب الجميل
قام و إنتفض ॥ و حـِـلـِـف بسماها و بترابها
و بالهوا و النيل
لتعود الحريه لأرضه
و لا غير الحريه بديل
أقسم ليجيب حقه بيده
و يشد الهمه و الحيل
و يغير دستوره بفرضه
و تبرق شمسه في حضن الليل
حالف يزرع مصر بكده
بعرقه و شرفه منــى و أناديل
و حلف يطرد منها الظالم
و يخرجه صاغر و ذليل
إكتب يا تاريخ
وثــَّــق كفاحه و ثورته بمليون دليل
الشعب حدد كلمته
أنا المصري
زاع ثورته
أنا المصري
بعلو الصوت
و حق البث مش حصري
أنا المصري أنا إبن النيل
أنا إللي جعلت من الهرم ضهري
أنا البنت القويه
و أنا الشباب الأسمر
أنا إللي في التحرير كفاحي
و ثورتي و نصري
منا المصري
إشهد يا تاريخ أنا المصري
أنا المصري
ليست هناك تعليقات:
إرسال تعليق