فداك عمري
**************
فداك عمري
أنا جمبك
و لا تحزن و لا تـِهتـَم
و طول ما إحنا سوا ...
أبــــداً .... ولا يحضن عيونك هـَم
أنا عيــونـــي فدا عيـو نـــــك
أنا أفدي دموعك دَم
تداري ليه الوجع عني؟؟
ده أنـا إنت ... حفظتك صـَم
ده أنا سـِرك ... و أنا بيـتــك
أضُمَك بيــن جفوني ضــَم
و سيب وجعك ... أنا و إنت
نروح نرميه سوا في اليـَم
و هات همك ... أنا دَارُه
هـ لِمه بين ضلوعي لـَم
و لا فكره تزور بالك ..
تصيبه بكدره و لاَّ بــِـغـَم
و لا كلمه يقولها لـك
بشر .. و تسلمك للهـَم
أسى الدُنيا كتير لكن !!!
يصيبنا سَهْم ... و يغلط سـَـهـْم
و طول ما إحنا سوا ...
أبـــداً ... و لا يحضن عيونك هـَـم
*** فــــداك عـــمــــري ***
****************
***********
*****
***
**
*
هناك تعليقان (2):
جميله جدا الاغنيه دى .. انا مررت عليها سريعا من قبل بمنتدى محاورات المصريين لكن المره دى لاقتنى بردد كلماتها على لحن خطر ببالى وقتها واللحن اكسبها حياه للمعانى والصور الشعريه...خلاها تظهر وتتجسد فى شاشة خيالى وافق وجدانى بشكل اكبر تاثير وعمق
مش عارف احدد انتى مبدعه فى ايه اكتر فى الفصحى او فى العاميه ... لكن بين الاتنين اقدر اقولك انك بتتمتعى باحساس عالى وقدره جيده على التعبير عن تلك الاحاسيس وصياغتها فى قالب ادبى
مع خالص تحيتى
التونسى
أهلاً بك أخي الفاضل التونسي
أسعدني إستحسانك للكلمات و تفاعلك معها
و أشكرك كثيراً لإطرائك الراقي
و مرحباً بك دائماً ضيفاً كريماً في رحاب مدونتي المتواضعه و بين حروفي التي تستمد حُسنها من إستحسانكم لها
تحياتي و دمت في رضا الرحمن
هبه محمد السعيد
إرسال تعليق